原标题：李施嬅有视后提名，离巢摞唔摞到呢？要撼得赢惠英红
《万千星辉颁奖典礼2019》
仲有一个月就举行，
睇过提名，
大家觉得边个最有机啊？？？
睇提名之前，
宜家要你讲出今年几部戏，
脱口而出係咩？？？
《金宵》啦，《解决师》啦，
《铁探》啦，《十二传说》啦，
仲有咩？？？
帮你恢复记忆，
完整列表係咁
↓
仲有待播剧：
好啦，
提名视帝视后，
又係大热嘅，
我哋逐部戏来睇睇啊~~~~！！！
首先係《金宵大厦》啦！！！
有最佳剧集、视帝、视后、
最受欢迎电视男、女角色
及最受欢迎电视拍档奖等，
好劲！！！
所以佢哋庆功都玩得好开心！！
男女主角反串来贺贺佢~~~
女主角李施嬅已经离巢，
喺TVB做咗16年，
之前佢就话，
唔知自己有冇资格，
宜家有提名喔，
咁係咪真係可以摞到呢？？？
李施嬅嘅主要劲敌
係红姐同千fa，
佢话：“佢哋做戏真係好好，两个都影后级人马，不过我都係一个微电影影后，所以我就真係可能要靠大家投票支持我先得。”
李施嬅喺观众心中
呼声非常之高，
不过佢提名过好多次，
都冇中。
男主角陈山聪就唔同，
佢喺TVB做19年，
今次係第一次提名视帝，
佢自己都话，
摞唔到唔紧要，
最紧要係得到大家嘅支持。
同《金宵大厦》对打嘅係
《铁探》。
女主角惠英红啱啱摞到
华鼎奖嘅视后
“中国百强电视剧最佳女主角”
係大奖来噶！！
所以大家都觉得佢最有机会，
不过出剧5月份已经播完，
观众印象可能淡化咗。
惠英红就谦虚咁表示：
“其实我仲未知，未收到消息，可能凶多吉少。但我当然係想拎奖，我喺TVB好多年，一啲成就都冇，好伤我自尊心。咁今年有少少提名已经OK。”
男主角袁伟豪
为拍剧减肥，
瘦咗劲多，
简直係好莱坞演员式敬业！！
不过目前来睇，
佢喺观众中嘅呼声，
都真係麻麻。
因为观众对佢饰演嘅角色，
反应一般，
所以佢机会唔大。
口碑几好嘅《白色强人》，
唐诗咏摞咗星和
“最佳女艺人”奖，
根据往年来睇，
摞星和，失TVB嘅几率都颇大。
而且唐诗咏上年啱啱摞过视后。
男主角马国明今次係
第12次提名，
佢亦摞咗星和
“最佳男艺人”奖，
年年观众都叫TVB畀视帝马明，
今次有冇呢？？？
马明嘅主要劲敌，
会係《解决师》男主角
王浩信，
王浩信係今年男主角入围中嘅热门，
又係唯一摞过视帝嘅人选，
TVB亦比较like佢呢位亲生仔，
《解决师》又係台庆剧，
所以佢摞到嘅机会好大！
《十二传说》萧正楠，
机会一般般，
讨论度都一般般。
最后，
今年人气急升嘅周嘉洛，
摞咗4个大奖提名，
以佢嘅表现，
绝对会摞到奖翻屋企，
佢劲兴奋：
“受宠若惊，自己实力未足够，嚟紧日子要更加努力，唔好辜负大家嘅期望。”
大家嘅预测係咩啊？？？
先来投个票咧！
提名太多啦，
我哋就拣咗几个热门嘅，
你支持边个摞呢？？？？？
留言一齐吹下咧~~~
资料来源：TVB微博、剧集截图
编辑：JZ