原标题：邓萃雯主动同商天娥言和！3年前已泯
艺人邓萃雯出席活动，讲到与传不和的商天娥在分享会上“吻”恩仇，她笑言没想过对方会锡自己，问到当年两人是否真的有不开心事情？她坦言：“拍剧时我自己都顾唔掂，好少摆喺心，工作上咩都会有，唔够瞓等等，各人嘅睇法又会唔同，但我系对事唔对人，一瞓醒第二朝就冇事，唔会放喺心。”
她表示自己是将心比心：“例如揸车试过畀人闹，嗰刻佢闹我唔代表我得罪佢，可能系嗰刻佢有好多唔如意嘅事，然后喺我身上爆发，我有呢个EQ，所以工作上好多误会系真系误会，唔等于我得罪佢。”
讲到娥姐吻她的举动很sweet，她笑言是自己sweet先：“2016年王祖蓝帮我喺北京搞咗个入行30年嘅影迷聚会，佢叫我搵个嘉宾，我第一时间就谂起娥姐，所以呢个恩仇系泯咗好耐，嗰刻已经泯咗，今次反而令我受宠若惊，原来呢个分享会佢系等埋我先做，如果我唔做，就冇咗佢呢个第一次。”
她又透露其实拍完《巾帼枭雄》后，娥姐与她谈天：“原来佢有一大段时间因为爸爸入院而心情差，我都明白开工唔会讲咁多私人事，所以佢讲完先知原来误会唔系因为我。”她又笑言可能两人都是硬倔倔：“唔笑又好似好恶，所以我更有同理心明白。”